Негизи жөтөл дем алуу жолдорунан бөлүп чыгарган заттарды, бөтөн телолорду жана дүүлүктүрүүчү заттарды чыгарууга шарт түзүп, коргоочу функцияны аткарат. Бирок жөтөл патологиялык процесстин көрүнүшү болушу мүмкүн, бул анын себебин тактоону жана дарылоо жолун тандоону талап кылат. Жөтөл кургак (продуктивдүү эмес) же продуктивдүү, башкача айтканда какырык (былжыр) бөлүп чыгарган жөтөл деп бөлүнөт.